夢想，最緊要係守得住！
一度鋼門、一對手套，18歲開始，已經陪我一直前行。好多人會問，「阿輝，你好勤力啊！點樣可以keep住日日練習？」其實我想講，勤力操練，係一個運動員嘅基本責任，精神上嘅堅持，比苦練更加艱辛。
由入行到而家11年，對我黎講，球隊嘅成績比任何嘢都重要。每當球隊遇到低潮嘅時候，都係一個衝擊，心理上都會受到不少嘅影響。但我哋始終要面對現實，要破解種種不同嘅衝擊，好多時我都問自己，企係門前，我應該如何守下去？如何為夢想把關？
比起每次嘅飛撲、人群中飛身搶球所受到不同型式嘅破撞，往往只有球隊嘅低潮所受嘅痛苦先係最難克服。而我唯一可以做嘅就係每次練習都以認真嘅態度要做到最好，practice makes perfect，亦都等同practice makes you feel pain。但只要穿上件波衫，踏出球場，聽到球迷嘅打氣聲或者代表香港隊時聽到嘅無數句”We are Hong Kong”，任何痛楚、任何嘲諷，都敵不過我哋嘅夢。
冇人能夠保證，追夢一定會成功。但我深信，自己嘅夢想，一定要守得住！只要仲有半點希望，我依然會奮戰到底。只要唔放棄，最終一定可以行到最後，因為追夢怎會安然無痛？
想睇更多追夢故事，可以去呢度：http://dream2pain3.hk/
#追夢怎會安然無痛
MUSC-1236114-0005 11/17
Search